| പാചകം ചെയ്യുന്ന ക്ലോക്ക്‌ |
അങ്കവും കാണാം താളിയുമൊടിക്കാം എന്ന പഴഞ്ചൊല്ലപോലെയാണ്‌ അമേരിക്കക്കാരനായ മാട്ടി സാല്ലിന്റെ പുതിയ കണ്ടുപിടിത്തം. പാചകം ചെയ്യുന്ന ക്ലോക്കാണ്‌ ഈ ന്യൂയോര്‍ക്കുകാരന്‍ കണ്ടെത്തിയത്‌. വൈകി എഴുന്നേല്‍ക്കുന്ന ശീലമുണ്ട്‌ മാട്ടിക്ക്‌. എങ്ങനെയെങ്കിലും രാവിലെ എഴുന്നേല്‍ക്കണമെന്ന ആഗ്രഹത്തോടെ ആലോചിച്ചപ്പോഴാണ്‌ വ്യത്യസ്‌തമായ ഈ ഐഡിയ മാട്ടിയുടെ തലയില്‍ മൊട്ടിട്ടത്‌. ഉടനെ അതു പ്രാവര്‍ത്തികമാക്കി പരീക്ഷിച്ചു വിജയിച്ചു.ടൈംപീസും മൈക്രോവേവ്‌ അവനും ചേര്‍ന്നൊരു ക്ലോക്കാണ്‌ മാട്ടി കണ്ടുപിടിച്ചത്‌. ചതുരപ്പെട്ടിപോലുള്ള ഇതില്‍ ഉണരേണ്ട സമയം അലാറമായി സെറ്റു ചെയ്യാം. പിന്നെ ഈ ക്ലോക്കിന്റെ വലിപ്പ്‌ തുറന്ന്‌ ഫ്രിഡ്‌ജിലിരിക്കുന്ന ഇറച്ചിക്കറി വയ്‌ക്കണം. അലാറം അടിക്കേണ്ട സമയമാകുമ്പോള്‍ ശബ്‌ദം കേള്‍ക്കില്ല. പകരം നല്ല ചൂട്‌ ഇറച്ചിയുടെ മണം മൂക്കിലടിക്കും. ഈ മണം പിടിച്ച്‌ ഏത്‌ ഉറക്കക്കാരനും ഉണരുമെന്നാണ്‌ മാട്ടി പറയുന്നത്‌. കാരണം രാവിലെ ഉറങ്ങുന്നവര്‍ക്ക്‌ ഒടുക്കത്തെ വിശപ്പല്ലേ.
ഭക്ഷണത്തിന്റെ മണം മൂക്കിലടിക്കുമ്പോള്‍ ആരാണെങ്കിലും
എഴുന്നേക്കുമെന്നാണ്‌ മാട്ടി സ്വയം പരീക്ഷിച്ചു സാക്ഷ്യപ്പെടുത്തുന്നത്‌. ക്ലോക്കിന്റെ കറികള്‍ വയ്‌ക്കേണ്ട പാത്രത്തില്‍ രണ്ടു ഹാലജന്‍ ബള്‍ബുകള്‍ ഉണ്ട്‌. അലാറം സെറ്റു ചെയ്‌ത സമയത്തിനു 10 മിനിട്ടുമുമ്പ്‌ ഈ ഹാലജന്‍ ബര്‍ബുകള്‍ പ്രവര്‍ത്തിച്ചു തുടങ്ങും. 10 മിനിട്ടിനുള്ളില്‍ ഈ ഹാലജന്‍ ബള്‍ബുകള്‍ പ്രകാശിക്കുകയും അങ്ങനെ കറികള്‍ ചൂടാവുകയും ചെയ്യും. പിന്നെ ക്ലേക്കിനുള്ളില്‍ ഘടിപ്പിച്ചിരിക്കുന്ന ചെറുഫാന്‍ കറങ്ങിത്തുടങ്ങും. ഇതു കറിയുടെ മണത്തെ മുറിമുഴുവന്‍ വ്യാപിപ്പിക്കും. പിന്നെ ഈ മണവും സഹിച്ച്‌ ഏത്‌ ഉറക്കപ്രിയനും കിടന്നുറങ്ങാന്‍ കഴിയില്ലെന്നാണ്‌ മാട്ടി പറയുന്നത്‌.
No comments:
Post a Comment