| കാമുകനെ വാടകയ്‌ക്ക് ആവശ്യമുണ്ട്‌ | ||
താംഗിനൊപ്പം പഠിച്ചവരും അവളുടെ കൂട്ടുകാരുമെല്ലാം വിവാഹിതരായി പലര്‍ക്കും കുട്ടികളുമായി. എന്നിട്ടും പ്രായം മുപ്പതോട്‌ അടുക്കുന്ന താംഗിനു പേരിനൊരു കാമുകന് പോലുമില്ല. വീട്ടുകാര്‍ക്ക്‌ അവളെക്കുറിച്ചു വിഷമിക്കാന്‍ ഇതിലേറെ കാരണം എന്തു വേണം. പുരനിറഞ്ഞു നില്‍ക്കുന്ന തന്നെക്കുറിച്ചുള്ള മാതാപിതാക്കളുടെ വിഷമം തീര്‍ക്കണമെന്നതാണ്‌ താംഗിന്റെ ഏറ്റവും വലിയ ആഗ്രഹം. മികച്ച ശമ്പളത്തില്‍ നല്ല ജോലിയുണ്ടെങ്കിലും തിരക്കിനിടയില്‍ കാമുകനെ കണ്ടെത്താനൊന്നും താംഗിനു കഴിഞ്ഞില്ല. വസന്തോത്സവത്തിനു വീട്ടില്‍ പോവുകയും വേണം. കാമുകനെ കൊണ്ടു ചെന്നില്ലെങ്കില്‍ വീട്ടില്‍ കയറ്റുകയുമില്ല. എന്തു ചെയ്യും. പരിചയക്കാരോടെല്ലാം താംഗ്‌ കാര്യം പറഞ്ഞു. ആരും സഹകരിക്കാന്‍ തയാറല്ല. ഒടുവില്‍ താംഗ്‌ എന്തു ചെയ്‌തെന്നോ. കാമുകനെ ആവശ്യമുണ്ടെന്ന്‌ ഒരു ബോര്‍ഡും പിടിച്ച്‌ തെരുവിലിറങ്ങി. സിഷ്വാങ്‌ പ്രവശ്യയുടെ തലസ്‌ഥാനമായ ഷെംങ്‌ഡുവിലെ നിരത്തിലാണ്‌ താംഗ്‌ കാമുകനെ ആവശ്യമുണ്ടെന്ന ബോര്‍ഡുമായി രംഗത്തെത്തിയത്‌. വെറും അഞ്ചു ദിവസത്തേക്കു കാമുകനായി അഭിനയിച്ചാല്‍ മതി. പിന്നീട്‌ യാതൊരു ബന്ധവും പാടില്ല എന്ന വ്യവസ്‌ഥയും താംഗിനുണ്ട്‌. കാമുകന് അത്യാവശ്യം സൗന്ദര്യം വേണം, 26നും 30നും മധ്യേ പ്രായം, ആറടിയോളം ഉയരം എന്നിവയാണ്‌ താംഗ്‌ വാടക കാമുകന് ആവശ്യപ്പെടുന്ന ലക്ഷണങ്ങള്‍. എന്നാല്‍, ബോര്‍ഡും തൂക്കി നടന്നതല്ലാതെ താംഗിനു കാമുകനെ തടഞ്ഞോ എന്നറിയില്ല. |
Monday, February 14, 2011
Subscribe to:
Post Comments (Atom)
No comments:
Post a Comment