ഡേ കെയറില്‍നിന്നു മുത്തച്‌ഛന്‍ കൊണ്ടുപോയത്‌ മറ്റൊരു കുട്ടിയെ

പ്രായം ഓര്‍മയെ തളര്‍ത്തുമെന്നു പറഞ്ഞാല്‍ അമേരിക്കയിലെ ഓഹിയോക്കാരനായ ഒരു മുത്തച്‌ഛന്‍ സമ്മതിക്കില്ല. തനിക്കിപ്പോഴും പതിനേഴു വയസാണെന്നായിരുന്നു ഈ വൃദ്ധന്റെ വിചാരം. തെളിഞ്ഞ ഓര്‍മശക്‌തിയും മികവാര്‍ന്ന ആരോഗ്യവും തനിക്കുണ്ടെന്നാണ്‌ ഇയാള്‍ അവകാശപ്പെട്ടിരുന്നത്‌. ഇങ്ങനെ പറഞ്ഞായിരുന്നു ഈ മുത്തച്‌ഛന്‍ ചെറുമകനെ ഡേ കെയര്‍ സെന്ററില്‍ കൊണ്ടു ആക്കിയിരുന്നതും തിരികെ കൊണ്ടുവന്നിരുന്നതും. എന്നാല്‍, പതിവുപോലെ മുത്തച്‌ഛന്‍ കുട്ടിയുമായി തിരികെ എത്തിയപ്പോഴാണ്‌ വീട്ടില്‍ പ്രശ്‌നമായത്‌. കാരണം, മുത്തച്‌ഛന്‍ കൊണ്ടുവന്ന ചെറുമകന്‍ ഒറിജനിലല്ല. ചെറുമകനെയല്ല ഡേ കെയര്‍ സെന്ററിലെ മറ്റൊരു കുട്ടിയെയാണ്‌ ഇയാള്‍ കൊണ്ടുവന്നത്‌. ആദ്യം മുത്തശിയാണ്‌ ഇതു കണ്ടത്‌. ഉടനെ മക്കളെ വിളിച്ചു മുത്തച്‌ഛനു പറ്റിയ അമളി പറഞ്ഞു.

ഇതിനിടെ മുത്തച്‌ഛന്‍ തെറ്റിദ്ധരിച്ചുകൊണ്ടുപോയെ കുട്ടിയുടെ മാതാവ്‌ ഡേ കെയര്‍ സെന്ററില്‍ വന്നു ബഹളമായി. ആകെ പുകിലായിരുന്നപ്പോഴാണ്‌ കുട്ടിയുമായി മുത്തച്‌ഛനും കുട്ടായി മുത്തശിയും ഡേ കെയര്‍ സെന്ററില്‍ എത്തുന്നത്‌. ഒടുവില്‍ കുട്ടിയെ കൈമാറി ചെറുമകനുമായി മുത്തച്‌ഛന്‍ മടങ്ങുകയായിരുന്നു. ഇപ്പോള്‍ അഹങ്കാരമെല്ലാം മാറി അനുസരണയുള്ള കുട്ടിയായി വീട്ടിലിരിക്കുകയാണ്‌ മുത്തച്‌ഛനെന്നാണ്‌ മുത്തശി പറയുന്നത്‌.