വിവിധ തരത്തിലും വര്‍ണത്തിലുമുള്ള ഐസ്‌ക്രീമുകള്‍ സുലഭമാണ്‌. എന്നാല്‍, ഇതില്‍നിന്നെല്ലാം വ്യത്യസ്‌തമായൊരു ഐസ്‌ക്രീമുമായി രംഗത്തെത്തിയിരിക്കുകയാണ്‌ ഒരു ലണ്ടന്‍കാരന്‍. ബേബി ഗാഗ എന്നാണ്‌ ഐസ്‌ക്രീമിന്റെ പേര്‌.മുലപ്പാലുകൊണ്ടാണ്‌ ഈ ഐസ്‌ക്രീമുണ്ടാക്കിയിരിക്കുന്നത്‌. മാതൃത്വത്തിന്റെ മാന്ത്രികത എന്നാണ്‌ ഈ ഐസ്‌ക്രീമിനെ വിശേഷിപ്പിക്കുന്നത്‌. മാറ്റ്‌ ഓകോണര്‍ എന്ന ഐസ്‌ക്രീം വിദഗ്‌ധനാണ്‌ ബേബി ഗാഗയ്‌ക്കു പിന്നിലുള്ളത്‌.
രൂപ ആയിരം കൊടുക്കണം ഒരു ബേബി ഗാഗ ഐസ്‌ക്രീം കിട്ടണമെങ്കില്‍. ലണ്ടനിലെ കോണ്‍വന്റ്‌ ഗാര്‍ഡനിലുള്ള മാറ്റിന്റെ റസ്‌റ്റോറന്റിലാണ്‌ ബേബി ഗാഗ ഐസ്‌ക്രീം കിട്ടുന്നത്‌. മുലപ്പാല്‍ ആവശ്യമുണ്ടെന്ന്‌ ഇന്റര്‍നെറ്റില്‍ മാറ്റ്‌ പരസ്യം നല്‍കിയിരുന്നു. ഈ പരസ്യം കണ്ട്‌ വിളിച്ച സ്‌ത്രീകളില്‍നിന്നു തെരഞ്ഞെടുക്കപ്പെട്ട 15 പേരാണ്‌ ഐസ്‌ക്രീമിനായി മുലപ്പാല്‍ നല്‍കുന്നത്‌.
ഏറ്റവും പരിശുദ്ധമായ ഐസ്‌ക്രീമായിരിക്കും ഇതെന്നാണ്‌ മാറ്റ്‌ പറയുന്നത്‌. വാനില, ലെമണ്‍ ഫ്‌ളേവറുകള്‍ ചേര്‍ത്ത രുചികരമായ ഐസ്‌ക്രീമാണിതെന്നാണ്‌ രുചിച്ചു നോക്കിയവര്‍ പറയുന്നത്‌. ഒരു ലിറ്റര്‍ മുലപ്പാലിനു 3200 രൂപയാണ്‌ മാറ്റിന്റെ റസേ്‌റ്റാറന്റ്‌ നല്‍കുന്നത്‌.
No comments:
Post a Comment