നായ കുരച്ചാല്‍ ഉടമസ്‌ഥനു ജയില്‍ ശിക്ഷ

കുരയാണ്‌ നായയുടെ ഉശിരന്റെ ലക്ഷണമായി പറയുന്നത്‌. എന്നാല്‍, ഇറ്റലിയില്‍ നായയെ വളര്‍ത്തുന്നവര്‍ തങ്ങളുടെ ഓമന മൃഗത്തോട്‌ കുരയ്‌ക്കല്ലേ എന്നാണ്‌ പറയുന്നത്‌. കാരണം, നായ കുരച്ച്‌ ആരുടെയെങ്കിലും ഉറക്കം നഷ്‌ടപ്പെടുത്തിയാല്‍ ഉടമസ്‌ഥനു ജയില്‍ ശിക്ഷ ലഭിക്കുമെന്ന കാര്യമുറപ്പാണ്‌. രാത്രിയില്‍ നായുടെ കുര അയല്‍വാസികളുടെ ഉറക്കം നഷ്‌ടപ്പെടുത്തുകയാണെങ്കില്‍ ആ നായയുടെ ഉടമസ്‌ഥനെ ശിക്ഷിക്കാമെന്നാണ്‌ ഇറ്റലിയിലെ കോടതി വിധിച്ചിരിക്കുന്നത്‌. ഇറ്റലിയിലെ സിസിലിയില്‍ നായ കുരച്ചതിനാല്‍ അയല്‍വാസികള്‍ക്കു ഉറങ്ങാന്‍ സാധിച്ചില്ലെന്ന കുറ്റത്തിനു രണ്ടു മാസത്തെ ജയില്‍ ശിക്ഷയാണ്‌ കോടതി ഉടമസ്‌ഥര്‍ക്കു വിധിച്ചത്‌. 10 നായ്‌ക്കളെ വീട്ടില്‍ വളര്‍ത്തിയ നാലു പേരെയാണ്‌ കോടതി ശിക്ഷിച്ചത്‌. രാത്രിയില്‍ പത്തു നായ്‌ക്കളും നിര്‍ത്താതെ കുരച്ച്‌ ഉറക്കം നഷ്‌ടപ്പെടുത്തുന്നെന്നായിരുന്നു അയല്‍വാസികളുടെ പരാതി. 30,000 രൂപ പിഴയും കോടതി ഇവര്‍ക്കു ശിക്ഷവിധിച്ചിട്ടുണ്ട്‌.