പ്രായമേറും തോറും ഡിമാന്റ്‌ കുറയുന്ന തൊഴിലാണ്‌ അഭിസാരികകളുടേത്‌. എന്നാല്‍, അമേരിക്കയിലൊരു മുത്തശിയുണ്ട്‌. പ്രായം 96. നാടന്‍ഭാഷയില്‍ പറഞ്ഞാല്‍ കുഴിയിലേക്കു കാലും നീട്ടിവച്ചിരിക്കുന്ന വൃദ്ധ. എന്നാല്‍, 96-ാം വയസിലും വെറുതേയിരിക്കാന്‍ മുത്തശി ഒരുക്കമല്ല. എന്തു ജോലിയാണ്‌ മുത്തശിയുടേതെന്നു ചോദിച്ചാലോ. അഭിസാരികയാണെന്നായിരിക്കും ഉത്തരം. വര്‍ഷം 35 ലക്ഷം രൂപ സമ്പാദിക്കുന്നുണ്ടെന്നാണ്‌ മുത്തശി അവകാശപ്പെടുന്നത്‌. 1945 മുതല്‍ തുടങ്ങിയതാണ്‌ മുത്തശിയുടെ ഈ ജോലി. ഇടയ്‌ക്കു 25 വര്‍ഷത്തോളം ഇവര്‍ തൊഴിലില്‍നിന്നു ബ്രേക്ക്‌ എടുത്തെന്നുമാത്രം.മില്ലി കൂപ്പറെന്നു പേരുള്ള ഈ പ്രായമേറിയ അഭിസാരിക ബ്രിട്ടണിലാണ്‌ ജനിച്ചത്‌. ലണ്ടനില്‍ ജീവിച്ചിരുന്ന മില്ലിയും അമേരിക്കക്കാരനുമായി പ്രണയത്തിലായി. വിവാഹിതരായ ഇവര്‍ അമേരിക്കയിലെ ലാസ്‌വേഗസില്‍ താമസമാരംഭിച്ചു. എന്നാല്‍, 1945ല്‍ ഭര്‍ത്താവ്‌ മില്ലിയേയും മകളെയും തനിച്ചാക്കി ഈ ലോകത്തോടു വിടപറഞ്ഞു. അതോടെ ജീവിതം മില്ലിക്കു മുമ്പില്‍ ചോദ്യ ചിഹ്നമായി. ഒടുവില്‍ ജീവിക്കാനായി അഭിസാരികയായി മാറുകയായിരുന്നു ഇവര്‍. ഹൈക്ലാസ്‌ അഭിസാരികയായി ജീവിച്ച ഇവര്‍ ധാരാളം സമ്പാദിച്ചു. 1955ല്‍ മില്ലി രണ്ടാമതും വിവാഹിതയായി. എന്നാല്‍, രണ്ടാമത്തെ ഭര്‍ത്താവും ഇവരെ തനിച്ചാക്കി മരണത്തിനു കീഴടങ്ങുകയായിരുന്നു. 70 ലക്ഷത്തോളം രൂപ മില്ലിക്കു വില്‍പത്രത്തില്‍ നീക്കിവച്ചിട്ടാണ്‌ ഇയാള്‍ മരിച്ചത്‌. ജീവിതത്തില്‍ വീണ്ടും തനിച്ചായ മില്ലി വീണ്ടും തന്റെ പഴയ തൊഴിലിലേക്കു തിരിയുകയായിരുന്നു. 1979ല്‍ ആരംഭിച്ച അഭിസാരികാവൃത്തി പിന്നീടൊരിക്കലും അവര്‍ ഉപേക്ഷിച്ചില്ല.
മൂവായിരത്തിയഞ്ഞൂറു പുരുഷന്മാര്‍ക്കൊപ്പം കിടക്കപങ്കിട്ടുണ്ടെന്നാണ്‌ മില്ലി വെളിപ്പെടുത്തുന്നത്‌. 29 മുതല്‍ 92 വയസുവരെയുള്ളവരാണ്‌ തന്റെ കസ്‌റ്റമേഴ്‌സെന്നും മില്ലി പറയുന്നു. ഇപ്പോള്‍ ആഴ്‌ചയില്‍ രണ്ടു കസ്‌റ്റമേഴ്‌സിനെ മാത്രമാണ്‌ മില്ലി സ്വീകരിക്കുന്നത്‌. 56,000 രൂപയാണ്‌ മില്ലിയുടെ ചാര്‍ജ്‌.
എന്നാല്‍, പുതുതലമുറയിലെ തന്റെ സഹപ്രവര്‍ത്തകരോട്‌ മില്ലിക്കു അത്ര തൃപ്‌തിപോരാ. അവര്‍ അടക്കവും ഒതുക്കവുമില്ലാത്തവരാണെന്നാണ്‌ മില്ലിയുടെ അഭിപ്രായം. മാന്യമായി വസ്‌ത്രം ധരിക്കുന്ന ആളാണ്‌ താനെന്നും അതുകൊണ്ടുതന്നെ മാന്യന്മാരാണ്‌ തന്റെ കസ്‌റ്റമേഴ്‌സെന്നുമാണ്‌ മില്ലി പറയുന്നത്‌.
No comments:
Post a Comment