ഹാന്‍ഡ്‌ബാഗുകള്‍ സ്‌ത്രീകള്‍ക്കു വീക്‌നെസാണ്‌ . എവിടെപ്പോയാലും അവരുടെ കണ്ണുകള്‍ തെരയുക പുതിയ പുതിയ ഫാഷന്‍ വസ്‌തുക്കളിലാവും. അതില്‍ പുത്തന്‍ മോഡല്‍ ഹാന്‍ഡ്‌ബാഗുകള്‍ കണ്ണില്‍പ്പെട്ടാല്‍ അത്തരമൊരെണ്ണം സ്വന്തമാക്കാതെ അവര്‍ക്കു ഉറക്കം വരില്ല. എന്നാല്‍, ഫാഷന്‍ പ്രേമികളായ സ്‌ത്രീജനങ്ങളുടെ ഉറക്കത്തെ എന്നന്നേക്കുമായി നഷ്‌ടപ്പെടുത്തുന്ന ഒരു ഹാന്‍ഡ്‌ബാഗ്‌ കഴിഞ്ഞ ദിവസം ദോഹയില്‍ പ്രദര്‍ശിപ്പിച്ചു. ഒരു അടിപൊളി ഹാന്‍ഡ്‌ബാഗ്‌. എന്നാല്‍, ഇതൊരെണ്ണം സ്വന്തമാക്കാമെന്നു വച്ചാലോ. 16.5 കോടി രൂപയാണ്‌ നല്‍കേണ്ടത്‌. പക്ഷേ, ഈ ഹാന്‍ഡ്‌ബാഗ്‌ കാഴ്‌ചയ്‌ക്കുമാത്രമേയുള്ളൂ. വില്‍ക്കാനുള്ളതല്ല. ഏറ്റവും വിലകൂടിയ ഹാന്‍ഡ്‌ ബാഗെന്ന ഗിന്നസ്‌ റെക്കോഡ്‌ സ്വന്തമാക്കിയ ബാഗാണിതെന്നു മാത്രം.മൗവാദ്‌ 1001 നൈറ്റ്‌സ് ഡയ്‌മണ്ട്‌ പേഴ്‌സ് എന്നാണ്‌ ഈ ഹാന്‍ഡ്‌ബാഗിന്റെ പേര്‌. 4,517 വജ്രങ്ങളും 18 കാരറ്റ്‌ സ്വര്‍ണവും ഉപയോഗിച്ചാണ്‌ ഈ ഹാന്‍ഡ്‌ബാഗ്‌ നിര്‍മിച്ചിരിക്കുന്നത്‌. 381.92 കാരറ്റ്‌ വരും ഇതിനായി ഉപയോഗിച്ച വജ്രങ്ങളുടെ മതിപ്പ്‌. ഇതിന്റെ നിര്‍മാണത്തിനായി 8,800 മണിക്കൂറുകളാണ്‌ ചെലവഴിച്ചത്‌. ദോഹയില്‍ നടന്ന ജ്വല്ലറി ആന്‍ഡ്‌ വാച്ചസ്‌ എക്‌സിബിഷനിലാണ്‌ ഈ ഹാന്‍ഡ്‌ബാഗ്‌ പ്രദര്‍ശിപ്പിച്ചത്‌. റോബര്‍ട്ട്‌ മൗവാദാണ്‌ ഇതിന്റെ രൂപകല്‌പന നിര്‍വഹിച്ചത്‌.
No comments:
Post a Comment