| കംപ്യൂട്ടര്‍ ഗെയിമുകളോട്‌ ഭ്രാന്തമായ അഭിനിവേശമുള്ളവരാണ്‌ ചൈനക്കാര്‍. ഗെയിം കളിക്കാന്‍ എത്ര മണിക്കൂര്‍വേണമെങ്കിലും ചെലവഴിക്കാന്‍ അവര്‍ തയാറാണ്‌. ഓണ്‍ലൈന്‍ ഗെയിമുകളും ചൈനയില്‍ വ്യാപകമാണ്‌. ഓണ്‍ലൈന്‍ ഗെയിം ഭ്രാന്തന്മാര്‍ക്കുവേണ്ടി പതിനായിരക്കണക്കിനു ഇന്റര്‍നെറ്റ്‌ കഫേകളാണ്‌ ചൈനയിലെമ്പാടുമുള്ളത്‌. നൂറുകണക്കിനാളുകള്‍ക്ക്‌ ഒരേസമയം കംപ്യൂട്ടര്‍ ഉപയോഗിക്കാന്‍ സൗകര്യമുള്ളവയാണ്‌ ഇത്തരം കഫേകള്‍. ഇത്തരമൊരു ഇന്റര്‍നെറ്റ്‌ കഫേയില്‍ ഓണ്‍ലൈന്‍ ഗെയിം കളിച്ച ഒരു യുവാവ്‌ മരിച്ചു. ഭക്ഷണം കഴിക്കാതെ പ്രാഥമികാവശ്യങ്ങള്‍ നിര്‍വഹിക്കാതെ മൂന്നു ദിവസം തുടര്‍ച്ചയായി ഓണ്‍ലൈന്‍ ഗെയിം കളിച്ചതാണ്‌ മരണകാരണം. ചൈനീസ്‌ തലസ്‌ഥാനമായ ബീജിംഗിലുള്ള ഒരു കഫേയിലാണ്‌ സംഭവം. മൂന്നു ദിവസം തുടര്‍ച്ചയായി കംപ്യൂട്ടറിനു മുമ്പിലിരുന്നു ഗെയിം കളിച്ചതിനെത്തുടര്‍ന്ന്‌ ഇയാള്‍ ബോധരഹിതനായി വീഴുകയായിരുന്നു. ഉടനെ ആശുപത്രിയില്‍ എത്തിച്ചെങ്കിലും ഇയാള്‍ മരിച്ചിരുന്നു. ചൈനയില്‍ മൂന്നു കോടിയിലേറെ ആളുകള്‍ ഇന്റര്‍നെറ്റ്‌ ഭ്രമുള്ളവരാണെന്നാണ്‌ പഠനങ്ങള്‍ പറയുന്നത്‌. |
No comments:
Post a Comment