കുട്ടികളുടെ വികൃതികൊണ്ടു പൊറുതിമുട്ടിയിട്ടാണോ അവരെ സ്‌കൂളുകളിലേക്ക്‌ അയയ്‌ക്കുന്നതെന്നാണ്‌ അധ്യാപകര്‍ മാതാപിതാക്കളോട്‌ ചോദിക്കുന്നത്‌. കാരണം, സ്‌കൂളില്‍ ഇവര്‍കാട്ടിക്കൂട്ടുന്ന തല്ലുകൊള്ളിത്തരങ്ങള്‍ അനുഭവിക്കുന്നത്‌ അധ്യാപകരല്ലേ. കുട്ടികളും അധ്യാപകരും തമ്മിലുള്ള ഈ പ്രശ്‌നത്തിനു പരിഹാരം കണാന്‍ ബ്രിട്ടണിലെ ഒരു സ്‌കൂള്‍ കണ്ടെത്തിയ വഴി വ്യത്യസ്‌തമായിരുന്നു. ക്ലാസ്‌ മുറികളില്‍ അവര്‍ ഒരു നായയെ നിയമിച്ചു. ലാബ്രഡോര്‍ ഇനത്തില്‍പ്പെട്ട ഓസ്‌കര്‍ എന്ന നായയാണ്‌ കൂട്ടികളെ മര്യാദ പഠിപ്പിക്കാന്‍ ഈ സ്‌കൂളില്‍ എത്തിയത്‌. സൗത്താംപ്‌ടണിലെ കാന്റല്‍ മാത്സ്‌ ആന്‍ഡ്‌ കംപ്യൂട്ടിംഗ്‌ കോളജിലാണ്‌ ഓസ്‌കര്‍ ചുറ്റിക്കറങ്ങുന്നത്‌. ഓസ്‌കര്‍ എത്തിയിട്ട്‌ ഒരു മാസമേ ആയുള്ളൂവെങ്കിലും വിദ്യാര്‍ഥികളുടെ വികൃതിത്തരങ്ങളില്‍ 40 ശതമാനത്തോളം കുറവുണ്ടായെന്നാണ്‌ സ്‌കൂള്‍ അധികൃതര്‍ പറയുന്നത്‌.കൂട്ടികള്‍ക്കു അവരുടെ പ്രവൃത്തികള്‍ക്കായി ഒരു മുറി അനുവദിച്ചിട്ടുണ്ട്‌. അവിടെവച്ച്‌ വിദ്യാര്‍ഥികള്‍ക്ക്‌ അവരുടെ പഠനപ്രവര്‍ത്തനങ്ങള്‍ നടത്താം. ഇവര്‍ക്കുകൂട്ടായി ഓസ്‌കറും കാണും. ഓസ്‌കര്‍ എത്തിയതോടെ കുട്ടികള്‍ തമ്മിലുള്ള വഴക്കുകള്‍ കുറഞ്ഞതായും മര്യാദക്കാരായി വരുന്നതായും അധ്യാപകര്‍ പറയുന്നു.
കുട്ടികള്‍ തമ്മില്‍ വഴക്കുണ്ടാകുമ്പോള്‍ ഓസ്‌കര്‍ എത്തിയാല്‍ രംഗംശാന്തമാകും. ഒരു കൂറ്റന്‍ ലാബ്രഡോര്‍ നായയുമായി കുട്ടികള്‍ വഴക്കുണ്ടാക്കാന്‍ തയാറല്ലാത്തതാണ്‌ ഇതിനുകാരണമെന്നാണ്‌ ആധ്യാപകര്‍ ചൂണ്ടിക്കാട്ടുന്നത്‌. തങ്ങള്‍ക്കൊരു അടിപൊളികൂട്ടുകാരനെ കിട്ടിയല്ലോ എന്ന സന്തോഷത്തിലാണ്‌ തങ്ങള്‍ അടങ്ങിയൊതുക്കിയിരിക്കുന്നതെന്നാണ്‌ വിദ്യാര്‍ഥികള്‍ പറയുന്നത്‌.
No comments:
Post a Comment