എസ്‌.എം.എസുകള്‍ ടൈപ്പ്‌ ചെയ്യുന്നതില്‍ ലോകറെക്കോഡ്‌ സൃഷ്‌ടിച്ചിരിക്കുകയാണ്‌ ഓസ്‌ട്രേലിയക്കാരനായ ഒരു കൗമാരക്കാരന്‍. ഒരു മിനിട്ട്‌ 17.03 സെക്കന്‍ഡുകൊണ്ട്‌ 264 അക്ഷരങ്ങള്‍ മൊബൈല്‍ ഫോണ്‍ കീപാഡില്‍ ടൈപ്പ്‌ ചെയ്‌താണ്‌ ചെയോങ്‌ കിറ്റ്‌ ഒയു എന്ന പതിനാറുകാരന്‍ ലോകറിക്കോഡ്‌ സൃഷ്‌ടിച്ചത്‌. ന്യൂയോര്‍ക്കില്‍ ജനുവരിയില്‍ നടന്ന ഒരു മത്സരത്തിലായിരുന്നു ചെയോങ്ങിന്റെ റെക്കോഡ്‌ പ്രകടനം. എന്നാല്‍, കഴിഞ്ഞ ദിവസം മാത്രമാണ്‌ ഗിന്നസ്‌ റെക്കോഡ്‌ അധികൃതര്‍ ചെയോങ്ങിന്റെ പ്രകടനം ഔദ്യോഗികമായി അംഗീകാരം നല്‍കിയത്‌.ഓസ്‌ട്രേലിയയിലെ മെല്‍ബണ്‍ സ്വദേശിയാണ്‌ ചെയോങ്‌. കണ്ണുകെട്ടിയും മൊബൈല്‍ തലതിരിച്ചുപിടിച്ചുമൊക്കെ വളരെ വേഗതയില്‍ എസ്‌.എം.എസുകള്‍ അയയ്‌ക്കാന്‍ ചെയോങിനു സാധിക്കും.
ദ്രുതഗതിയില്‍ ടൈപ്പ്‌ ചെയ്യാന്‍ ഈ വിദ്യാര്‍ഥിക്കു പ്രത്യേക പരിശീലന പദ്ധതിയുമൊന്നുമില്ല. ദിവസവും 200 എസ്‌.എം.എസുകളാണ്‌ ഈ വിരുതന്‍ അയയ്‌ക്കുന്നത്‌. ക്ലാസ്‌ റൂമില്‍വച്ച്‌ അധ്യാപകര്‍ കാണാതെ എസ്‌.എം.എസുകള്‍ അയച്ചയച്ചാണ്‌ തനിക്കീ വേഗത ലഭിച്ചതെന്നാണ്‌ ചെയോങ്‌ പറയുന്നത്‌.
No comments:
Post a Comment