ഇറാന്‍ പ്രസിഡന്റ്‌ അഹമ്മദി നെജാദ്‌ അമേരിക്കയുടെ കണ്ണിലെ കരടാണ്‌. എന്നാല്‍, നെജാദിന്റെ കാറ്‌ അമേരിക്കക്കാരുടെ കണ്ണിലെ കൃഷ്‌ണമണിയാണ്‌. 34 വര്‍ഷമായി അഹമ്മദി നെജാദ്‌ ഉപയോഗിച്ച വെള്ള പോഷേ കാര്‍ ലേലത്തില്‍വച്ചപ്പോള്‍ അതുവാങ്ങാന്‍ എതിരാളികളായ അമേരിക്കക്കാരും മുമ്പിലുണ്ടായിരുന്നു. എഴുപതിനായിരും രൂപമാത്രം വിലയുള്ള ഈ പാട്ടവണ്ടിക്കായി കോടികള്‍ മുടക്കാനാണ്‌ അമേരിക്കക്കാര്‍ തയാറായത്‌.കഴിഞ്ഞ നവംബറിലാണ്‌ നെജാദ്‌ കാര്‍ ലേലത്തില്‍വച്ചത്‌. വരുമാനം കുറഞ്ഞ വിഭാഗങ്ങള്‍ക്കായുള്ള വീടുനിര്‍മാണത്തിനുള്ള ധനശേഖരണാര്‍ഥമാണ്‌ നെജാദ്‌ 34 വര്‍ഷം പഴക്കുള്ള കാര്‍ ലേലത്തില്‍വച്ചത്‌. ടെഹ്‌റാന്‍ മേയറായിരുന്നപ്പോഴും ഇറാന്‍ പ്രസിഡന്റായപ്പോഴും നെജാദ്‌ തന്റെ പഴയ കാര്‍ ഉപേക്ഷിച്ചിരുന്നില്ല. പ്രസിഡന്റിന്റെ ഔദ്യോഗിക വാഹനമായും നെജാദ്‌ ഈ കാര്‍ ഉപയോഗിച്ചിരുന്നു. 11.25 കോടി രൂപയ്‌ക്കാണ്‌ കാര്‍ ലേലത്തില്‍ പോയത്‌. എന്നാല്‍, ആരാണ്‌ കാര്‍ ലേലത്തില്‍ കരസ്‌ഥമാക്കിയതെന്നു ഇറാന്‍ അധികൃതര്‍ വെളിപ്പെടുത്തിയിട്ടില്ല. എന്നാല്‍, ഏതോ അമേരിക്കക്കാരനാണ്‌ കാര്‍ ലേലത്തില്‍ പിടിച്ചതെന്നും അതുകൊണ്ടാണ്‌ ഉടമസ്‌ഥനെക്കുറിച്ച്‌ ഇറാന്‍ അധികൃതര്‍ വെടിപ്പെടുത്താന്‍ തയാറാകാത്തതെന്നാണ്‌ ദോഷൈകദൃക്കുകള്‍ പറയുന്നത്‌.
No comments:
Post a Comment