ശമരിയാക്കാരന്റെ കഥ ഡേവ് എന്ന നായ്ക്കറിയാമോ എന്നറിയില്ല. എന്നാല്, മൃഗങ്ങള്ക്കിടയിലെ നല്ല ശമരിയാക്കാരനാണ് ഡേവ് എന്ന റോട്ട്വീലര് ഇനത്തില്പ്പെട്ട നായ. ആറു വയസുള്ള ഡേവിന്റെ സംരക്ഷണത്തില് നിരവധി ജീവികളാണ് കഴിയുന്നത്. നാലു താറാവുകള്, മൂന്നു വാത്തകള്, അഞ്ചു മുയലുകള്, 13 കോഴിക്കുഞ്ഞുങ്ങള്, അഞ്ചു നായക്കുട്ടികള് എന്നിങ്ങനെപോകുന്നു ഈ മൃഗസ്നേഹിയുടെ സംരക്ഷണയിലുള്ളവയുടെ ലിസ്റ്റ്.വീടിന്റെ പരിസരങ്ങളിലും സമീപ പ്രദേശങ്ങളിലും ചുറ്റിനടക്കുന്നതാണ് ഡേവിന്റെ ഇഷ്ടം. ശാന്തസ്വഭാവമുള്ളതിനാല് ഡേവിനെ അവന്റെ ഇഷ്ടത്തിനു ചുറ്റക്കറങ്ങാന് ഉടമസ്ഥന് അനുവദിക്കാറുണ്ട്. ഇങ്ങനെയുള്ള ചുറ്റിത്തിരിയലിലാണ് ഡേവ് അനാഥരായ സഹജീവികളെ കണ്ടെത്തുന്നത്. ഒരിക്കല് വീടിനു പിറകിലുള്ള ചായ്പ്പില് ഡേവ് പതിവില്ലാതെ ചുറ്റിത്തിരിയുന്നതു കണ്ട ഉടമസ്ഥയായ അമെന്ഡ കോളിന് നോക്കുമ്പോഴാണ് നിരവധി ജീവികളെ കണ്ടെത്തുന്നത്. തന്റെ ഭക്ഷണത്തില്നിന്നു ഒരു പങ്ക് നല്കിയാണ് ഡേവ് ഇവയെ സംരക്ഷിച്ചിരുന്നത്.
ഡേവിന്റെ ഈ ശീലം കണ്ടെത്തിയതോടെ അമെന്ഡയും അവയ്ക്കായി ഭക്ഷണം നല്കിത്തുടങ്ങി. ഇതോടെ ഡേവിലെ സഹായമനോഭാവം പൂര്ണമായും ഉണര്ന്നു. പിന്നീട് നിരാലംബരായ നിരവധി ജീവികളെയാണ് ഡേവ് വീടിന്റെ ചായ്പ്പിലെത്തിച്ചത്.
No comments:
Post a Comment