പഴകുംതോറും മൂല്യമേറുന്നവയാണ്‌ പുരാവസ്‌തുക്കള്‍. എന്നാല്‍, മോഷ്‌ടാക്കള്‍ക്കു പുരാവസ്‌തുവെന്നോ പുതിയവസ്‌തുവെന്നോ വ്യത്യാസമില്ല. വിറ്റാല്‍ പണം കിട്ടുന്ന എന്തും അവര്‍ മോഷ്‌ടിച്ചു വില്‍ക്കും. അയര്‍ലന്‍ഡുകാരനായ ജോണ്‍ മഗാനും അത്തരമൊരു മോഷ്‌ടാവായിരുന്നു. ലണ്ടനില്‍ വച്ച്‌ ജോണ്‍ ഒരു വയലിന് മോഷ്‌ടിച്ചു വിറ്റത്‌ 7,000 രൂപയ്‌ക്കാണ്‌. ഒരു മോഷ്‌ടാവിനെ സംബന്ധിച്ച്‌ വയലിന് ഏഴായിരം രൂപ ലഭിക്കുമെന്നുള്ളത്‌ ലോട്ടറിയാണ്‌. എന്നാല്‍, മോഷ്‌ടിച്ചുവിറ്റ ആ വയലിന്റെ യഥാര്‍ഥ വില കേട്ടാല്‍ ജോണിനു ഹൃദയാഘാതമുണ്ടാകുമായിരുന്നു. കാരണം, 8.5 കോടിരൂപയാണ്‌ ആ വയലിന്റെ വില.300 വര്‍ഷം പഴക്കമുള്ള അപൂര്‍വം വയലിനുകളിലൊന്നായിരുന്നു ജോണ്‍ മോഷ്‌ടിച്ചത്‌. അന്താരാഷ്ര്‌ട പ്രശസ്‌തയായ വയലിനിസ്‌റ്റായ മിന്‍ ജിന്‍ കിമിന്റെ വയലിനാണ്‌ ജോണ്‍ മോഷ്‌ടിച്ചത്‌. ലണ്ടനിലെ ഒരു പാര്‍ക്കില്‍ കാമുകനുമായുള്ള സല്ലാപത്തില്‍ മിന്‍ മതിമറന്നിരിക്കെയാണ്‌ ജോണ്‍ വയലിന് മോഷ്‌ടിച്ചത്‌. എന്നാല്‍, പിന്നീട്‌ പോലീസ്‌ ഇയാളെ കൈയോടെ പിടികൂടുകയായിരുന്നു.
No comments:
Post a Comment