ഒരു എലിയെ കൊന്നാല്‍ രണ്ടു വര്‍ഷം ജയില്‍ ശിക്ഷയോ. സംഭവം അമേരിക്കയിലാണ്‌. സഹോദരനുമായുണ്ടായ വഴക്കില്‍ കലിപൂണ്ട സഹോദരി ദേഷ്യം തീര്‍ത്തത്‌ സഹോദരന്‍ ഓമനിച്ചു വളര്‍ത്തിയിരുന്ന ചുണ്ടെലിയെ കൊന്നായിരുന്നു. എന്നിട്ടും കലി തീരാത്ത സഹോദരി എലിയെ റോഡിലേക്കു വലിച്ചെറിഞ്ഞു. സഹോദരന്‍ ഉടനെ മൃഗസംരക്ഷണ വകുപ്പില്‍ വിളിച്ചു പരാതിപ്പെട്ടു. മൃഗസംരക്ഷണ വകുപ്പ്‌ ഉദ്യോഗസ്‌ഥര്‍ സ്‌ഥലത്തെത്തുകയും ചുണ്ടെലിയുടെ ശരീരം കണ്ടെടുക്കുകയും ചെയ്‌തു.ന്യൂയോര്‍ക്കിലെ ബ്രൂക്ക്‌ലിനിലായിരുന്നു സംഭവം.
മോണിക്വി സ്‌മിത്ത്‌ എന്ന പത്തൊമ്പതുകാരിക്കെതിരെ ജന്തുക്കളെ കൊലപ്പെടുത്തിയ കുറ്റം ചുമത്തിയാണ്‌ കേസെടുത്തിരിക്കുന്നത്‌. രണ്ടുവര്‍ഷം തടവു ശിക്ഷയും 22,500 രൂപ പിഴയുമാണ്‌ മോണിക്വിയെക്കാത്തിരിക്കുന്നത്‌.
No comments:
Post a Comment