ശരീരത്തില്‍ സൂചി ചെറുതായൊന്ന്‌ തൊട്ടാല്‍ പോലും കഠിനമായ വേദനയെടുക്കും. എങ്കില്‍ ഈ സൂചി തൊലിപ്പുറത്ത്‌ കുത്തിക്കയറ്റിയാലോ. വേദന അസഹനീയമായിരിക്കും. എന്നാല്‍, വേദന കടിച്ചമര്‍ത്തി ശരീരത്തില്‍ 3,200 സൂചികള്‍ തറച്ച്‌ റെക്കോഡ്‌ സൃഷ്‌ടിച്ചിരിക്കുകയാണ്‌ ഒരു അമേരിക്കന്‍ യുവതി. ഒറ്റയിരിപ്പില്‍ ശരീരത്തില്‍ കൂടുതല്‍ സൂചി തറച്ചു കയറ്റിയെന്ന റെക്കോഡാണ്‌ സറ്റ്യഷ റാന്‍ഡല്‍ എന്ന ഇരുപത്തിരണ്ടുകാരി സ്വന്തമാക്കിയത്‌. ഒമ്പതിഞ്ച്‌ നീളമുള്ള 3,200 വമ്പന്‍ സൂചികളാണ്‌ തൊലിപ്പുറത്തുകൂടി സറ്റ്യഷ തറച്ചു കയറ്റിയത്‌.ലാസ്‌വേഗസിലായിരുന്നു സറ്റ്യഷയുടെ പ്രകടനം. പുറംഭാഗത്തും തുടയിലുമാണ്‌ സറ്റ്യഷ സൂചി തുളച്ചു കയറ്റിയത്‌. ബില്‍ റോബിന്‍സണ്‍ എന്നയാളും സഹായികളുമാണ്‌ ഈ സറ്റ്യയുടെ ശരീരത്തില്‍ സൂചികള്‍ തുളച്ചുകയറ്റിയത്‌. ആറു മണിക്കൂറും 15 മിനിട്ടുമെടുത്തു ഇത്രയും സൂചികള്‍ തുളച്ചു കയറ്റാന്‍.
3,600 സൂചികള്‍ തുളച്ചു കയറ്റാനായിരുന്നു ലക്ഷ്യം. എന്നാല്‍, മുന്‍ റെക്കോഡായ 3,100 എന്നത്‌ തിരുത്തിയതോടെ സറ്റ്യക്ഷ വേദന സഹിക്കവയ്യാതെ പ്രകടനം നിറുത്തുകയായിരുന്നു. സൂചി ഓരോ തവണ തൊലിയില്‍ കയറുമ്പോഴും സറ്റ്യഷയുടെ കണ്ണില്‍നിന്നു കണ്ണുനീര്‍ വരുമായിരുന്നു. ചിലപ്പോള്‍ വേദന സഹിക്കവയ്യാതെ സറ്റ്യഷ അലറിക്കരയും. അപ്പോഴെല്ലാം സഹായികള്‍ സറ്റ്യഷയെ ബലമായി പിടിച്ചായിരുന്നു സൂചികള്‍ കയറ്റിയിരുന്നത്‌.
No comments:
Post a Comment