ഫ്രാന്‍സിലെ മത്സ്യബന്ധനതൊഴിലാളികളോട്‌ മീന്‍ പിടിക്കരുതെന്നാണ്‌ യൂറോപ്യന്‍ യൂണിയന്റെ ഉത്തരവ്‌. കടലില്‍പോയി മീന്‍ പിടിക്കേണ്ട പകരം പ്ലാസ്‌റ്റിക്‌് പെറുക്കാനാണ്‌ യൂറോപ്യന്‍ യൂണിയന്‍ ഇവരോട്‌ പറയുന്നത്‌. മെഡിറ്ററേനിയന്‍ കടലില്‍ പ്ലാസ്‌റ്റിക്കിന്റെ ആധിക്യം കുറയ്‌ക്കാനുള്ള പദ്ധതിയുടെ ഭാഗമായാണ്‌ മത്സ്യബന്ധന തൊഴിലാളികളോട്‌ കടലില്‍നിന്ന്‌ പ്ലാസ്‌റ്റിക്ക്‌ ശേഖരിക്കാന്‍ ആവശ്യപ്പെട്ടിട്ടുള്ളത്‌. ഇതിനു പ്രതിഫലവും ഇവര്‍ക്ക്‌ ലഭിക്കും.കൂടുതല്‍ മീന്‍ പിടിച്ചാല്‍ കൂടുതല്‍ പണം ലഭിക്കുമെന്നതുപോലെയാണ്‌ കൂടുതല്‍ പ്ലാസ്‌റ്റിക്കുകള്‍ കടലില്‍നിന്നുശേഖരിച്ചാല്‍ കൂടുതല്‍ വേതനം ഇവര്‍ക്ക്‌ നല്‍കുന്നത്‌. വിനോദസഞ്ചാരികള്‍ കടലിലേക്കു വലിച്ചെറിയുന്ന പ്ലാസ്‌റ്റിക്‌ മാലിന്യങ്ങളാണ്‌ മെഡിറ്ററേനിയനിലെ മത്സ്യസമ്പത്ത്‌ നേരിടുന്ന പ്രധാന ഭീഷണിയെന്നു കണ്ടെത്തിയതിനെത്തുടര്‍ന്നാണ്‌ പുതിയ പദ്ധതി.
